*ಮಗಳ ಮೇಲಿನ ಅತ್ಯಾಚಾರಕ್ಕೆ ತಾಯಿಯ ಭೀಕರ ಪ್ರತಿಕಾರ;* *ಕಾಮುಕನನ್ನು ಕೊಂದು ಜನನಾಂಗ ಕತ್ತರಿಸಿದ್ದ ತಾಯಿ ಈಗ ದೋಷಮುಕ್ತ!*

*ಮಗಳ ಮೇಲಿನ ಅತ್ಯಾಚಾರಕ್ಕೆ ತಾಯಿಯ ಭೀಕರ ಪ್ರತಿಕಾರ;*

*ಕಾಮುಕನನ್ನು ಕೊಂದು ಜನನಾಂಗ ಕತ್ತರಿಸಿದ್ದ ತಾಯಿ ಈಗ ದೋಷಮುಕ್ತ!*

​ಬ್ರೆಜಿಲ್: ಕಾನೂನು ಕೈಗೆತ್ತಿಕೊಳ್ಳುವುದು ತಪ್ಪು ಎನ್ನುವವರಿಗೆ ಈ ತೀರ್ಪು ಹೊಸ ಚರ್ಚೆ ಹುಟ್ಟುಹಾಕಿದೆ. ತನ್ನ 11 ವರ್ಷದ ಮಗಳ ಮೇಲೆ ಅತ್ಯಾಚಾರ ಎಸಗಲು ಯತ್ನಿಸಿದ ಕಾಮುಕನನ್ನು ಅತ್ಯಂತ ಭೀಕರವಾಗಿ ಕೊಲೆ ಮಾಡಿದ್ದ ತಾಯಿಯನ್ನು ನ್ಯಾಯಾಲಯ ಈಗ ‘ನಿರಪರಾಧಿ’ ಎಂದು ಘೋಷಿಸಿದೆ. ಬ್ರೆಜಿಲ್‌ನ ಬೆಲೊ ಹೊರಿಜಾಂಟೆಯಲ್ಲಿ ನಡೆದ ಈ ಘಟನೆ ಮತ್ತು ಈಗ ಬಂದಿರುವ ತೀರ್ಪು ಜಾಗತಿಕ ಮಟ್ಟದಲ್ಲಿ ವೈರಲ್ ಆಗುತ್ತಿದೆ.

​ ಏನಿದು ಘಟನೆ?

​2025ರ ಮಾರ್ಚ್‌ನಲ್ಲಿ ಎರಿಕಾ ಪೆರೇರಾ ಎಂಬ ಮಹಿಳೆಯ ಬದುಕೇ ಬದಲಾಗಿತ್ತು. ತನ್ನ ಮಗಳ ಕೋಣೆಯಿಂದ ಕೇಳಿಬಂದ ಕಿರುಚಾಟ ಕೇಳಿ ಓಡಿ ಹೋದ ಎರಿಕಾಗೆ ಕಂಡಿದ್ದು ನರಕದ ದೃಶ್ಯ! ಆಕೆಯ ಗೆಳೆಯ ಎವರ್ಟನ್ ಅಮರೊ ಎಂಬಾತ 11 ವರ್ಷದ ಮಗುವಿನ ಮೇಲೆ ಅತ್ಯಾಚಾರ ಎಸಗಲು ಯತ್ನಿಸುತ್ತಿದ್ದ.

​ಮಗಳ ಮೇಲಿನ ಈ ದೌರ್ಜನ್ಯ ಸಹಿಸದ ತಾಯಿ ಆ ಕ್ಷಣವೇ ರಣಚಂಡಿಯಾಗಿದ್ದಾಳೆ…

​ಪ್ರತಿಕಾರ: ಕಾಮುಕನಿಗೆ ಅಮಲು ಪದಾರ್ಥ ಬೆರೆಸಿದ ಜ್ಯೂಸ್ ನೀಡಿ, ಆತ ಪ್ರಜ್ಞೆ ತಪ್ಪುತ್ತಿದ್ದಂತೆ ಚೂರಿಯಿಂದ ಇರಿದು ಕೊಲೆ ಮಾಡಿದ್ದಾಳೆ.

​ಕ್ರೌರ್ಯಕ್ಕೆ ಕ್ರೌರ್ಯ: ಅಷ್ಟಕ್ಕೇ ನಿಲ್ಲದ ಆಕೆ, ಕಾಮುಕನ ಜನನಾಂಗವನ್ನು ಕತ್ತರಿಸಿ ಹಾಕಿ, ಮೃತದೇಹವನ್ನು ಸುಟ್ಟು ಹಾಕಿದ್ದಾಳೆ!

​ಶರಣಾಗತಿ: ಕೃತ್ಯದ ಬಳಿಕ ತಾನೇ ಸ್ವತಃ ಪೊಲೀಸ್ ಠಾಣೆಗೆ ಹೋಗಿ ಕೊಲೆ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾಳೆ.

​
ನ್ಯಾಯಾಲಯ ನೀಡಿದ ಅಚ್ಚರಿಯ ತೀರ್ಪು!
​ಈ ಕೊಲೆ ‘ಪೂರ್ವಯೋಜಿತ’ ಎಂದು ಪ್ರಾಸಿಕ್ಯೂಷನ್ ವಾದಿಸಿತ್ತು. ಆದರೆ, ಮಾರ್ಚ್ 24, 2026 ರಂದು ತೀರ್ಪು ನೀಡಿದ ನ್ಯಾಯಾಧೀಶರು, “ಆಕೆ ಮಾಡಿದ್ದು ತನ್ನ ಮಗಳ ಕಾನೂನುಬದ್ಧ ರಕ್ಷಣೆಗಾಗಿ” ಎಂಬ ವಾದವನ್ನು ಪುರಸ್ಕರಿಸಿದ್ದಾರೆ. ಎಲ್ಲಾ ಆರೋಪಗಳಿಂದ ಎರಿಕಾಳನ್ನು ಮುಕ್ತಗೊಳಿಸಿರುವ ನ್ಯಾಯಾಲಯ, ಆಕೆಯನ್ನು ಬಿಡುಗಡೆ ಮಾಡಿದೆ.

​ಸೋಷಿಯಲ್ ಮೀಡಿಯಾದಲ್ಲಿ ‘ಹೀರೋ’ ಆದ ತಾಯಿ!

​ಈ ಸುದ್ದಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಎರಿಕಾ ಪರ ಬ್ಯಾಟ್ ಬೀಸುತ್ತಿದ್ದಾರೆ.
​”ಆಕೆ ಕೇವಲ ನಿರ್ದೋಷಿಯಲ್ಲ, ಆಕೆ ಒಬ್ಬ ರಿಯಲ್ ಹೀರೋ!” ಎಂದು ಒಬ್ಬರು ಕಾಮೆಂಟ್ ಮಾಡಿದರೆ, “ಇದು ಅಪರಾಧವಲ್ಲ, ಇದು ತಾಯಿ ನೀಡಿದ ನೈಜ ನ್ಯಾಯ” ಎಂದು ಸಾವಿರಾರು ಜನರು ಬೆಂಬಲ ವ್ಯಕ್ತಪಡಿಸುತ್ತಿದ್ದಾರೆ.

​ಭಾರತದಂತಹ ದೇಶಗಳಲ್ಲಿ ಅತ್ಯಾಚಾರ ಪ್ರಕರಣಗಳ ವಿಚಾರಣೆ ವರ್ಷಗಟ್ಟಲೆ ನಡೆಯುತ್ತಿರುವಾಗ, ಬ್ರೆಜಿಲ್ ನ್ಯಾಯಾಲಯದ ಈ ಕ್ಷಿಪ್ರ ಮತ್ತು ಕಠಿಣ ಸಂದೇಶ ನೀಡುವ ತೀರ್ಪು ಈಗ ಎಲ್ಲೆಡೆ ದೊಡ್ಡ ಚರ್ಚೆಗೆ ಕಾರಣವಾಗಿದೆ.