ಮ್ಯಾಟ್ರಿಮೋನಿಯಲ್ಲಿ ಪರಿಚಯ;* *ಮಹಿಳೆಯರಿಗೆ ಮೋಸ ಮಾಡಿ ದುಡ್ಡು ಲಪಟಾಯಿಸುವುದೇ ಇವನ ದಂಧೆ!**ರಾಜ್ಯದ 11 ಪೊಲೀಸ್ ಠಾಣೆಗಳಲ್ಲಿ 13 ಪ್ರಕರಣಗಳ ಗುದ್ದಿಸಿಕೊಂಡ ಜೈಭೀಮ್…**ಭದ್ರಾವತಿ ಮಹಿಳೆ ಪ್ರಕರಣ ಏನು?*

*ಮ್ಯಾಟ್ರಿಮೋನಿಯಲ್ಲಿ ಪರಿಚಯ;*
*ಮಹಿಳೆಯರಿಗೆ ಮೋಸ ಮಾಡಿ ದುಡ್ಡು ಲಪಟಾಯಿಸುವುದೇ ಇವನ ದಂಧೆ!*

*ರಾಜ್ಯದ 11 ಪೊಲೀಸ್ ಠಾಣೆಗಳಲ್ಲಿ 13 ಪ್ರಕರಣಗಳ ಗುದ್ದಿಸಿಕೊಂಡ ಜೈಭೀಮ್…*

*ಭದ್ರಾವತಿ ಮಹಿಳೆ ಪ್ರಕರಣ ಏನು?*

ಬಿಜಾಪುರ ತಾಲ್ಲೂಕಿನ ಹಿಟ್ಟಿನಹಳ್ಳಿ ಗ್ರಾಮದ 40 ವರ್ಷ ವಯಸ್ಸಿನ ಭೀಮರಾಜ್ @ ಜೈಭೀಮ್ ಬಿನ್ ವಿಠಲನ ಮ್ಯಾಟ್ರಿಮೋನಿ ಕಥೆ ಕೇಳಿ ಸ್ವತಃ ಸಾರ್ವಜನಿಕರಷ್ಟೇ ಅಲ್ಲ ಪೊಲೀಸರೂ ಬೆಚ್ಚಿಬಿದ್ದಿದ್ದಾರೆ!

ಕೊಪ್ಪಳ ಜಿಲ್ಲೆಯ ಎಲ್ಲಾ ಜೈಲುಗಳಲ್ಲೂ ನ್ಯಾಯಾಂಗ ಬಂಧನದಲ್ಲಿದ್ದ ಈತನ ವಿರುದ್ಧ ರಾಜ್ಯದ ವಿವಿಧ 10 ಠಾಣೆಗಳಲ್ಲಿ 12 ಪ್ರಕರಣಗಳು ದಾಖಲಾಗಿವೆ.

2024ರ ಸೆಪ್ಟೆಂಬರ್ 27 ರಂದು ಭೀಮರಾಜ್ ವಿರುದ್ಧ ಭದ್ರಾವತಿಯ 40 ವರ್ಷ ವಯಸ್ಸಿನ ಮಹಿಳೆಯನ್ನು ಮ್ಯಾಟ್ರಿಮೋನಿ ಅಪ್ಲಿಕೇಷನ್ನಿನಲ್ಲಿ ಪರಿಚಯ ಮಾಡಿಕೊಂಡಿದ್ದ. ಈಗಾಗಲೇ ಮದುವೆಯಾಗಿರುವುದನ್ನು ಮರೆಮಾಚಿ ಮಹಿಳೆಯನ್ನು ಮದುವೆಯಾಗಿ ನಂಬಿಸಿ ತನ್ನ ತಾಯಿಯ ಆರೋಗ್ಯ ಸರಿಯಿಲ್ಲ. ಅವರ ಚಿಕಿತ್ಸೆಗೆ ಹಣ ಬೇಕೆಂದು ಹೇಳಿ ಫೋನ್ ಪೇ ಮೂಲಕ ಒಟ್ಟು 5,43,451 ರೂ.,ಗಳನ್ನು ಮತ್ತು 2 ಲಕ್ಷ ರೂ.,ಗಳನ್ನು ನಗದು ರೂಪದಲ್ಲಿ ಪಡೆದುಕೊಂಡಿದ್ದ. ಅಲ್ಲದೇ, ಕಚೇರಿಗೆ ಬೇಕೆಂದು 2.25 ಲಕ್ಷ ರೂ.,ಗಳ ಮೌಲ್ಯದ 30 ಗ್ರಾಂ ತೂಕದ ಚಿನ್ನದಾಭರಣಗಳನ್ನು ಪಡೆದು ಮೋಸ ಮಾಡಿದ್ದ.

ಮೋಸ ಹೋದ ಮಹಿಳೆ ಭದ್ರಾವತಿ ಹಳೇನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದರ ಮೇಲೆ ಪ್ರಕರಣ ದಾಖಲಾಗಿತ್ತು.

ಭೀಮರಾಜ್ @ ಜೈಭೀಮ್ ವಿರುದ್ಧ ತಿಕೋಟ, ವಿಜಯಪುರ ಗ್ರಾಮೀಣ, ಬಾಗಲಕೋಟೆ ನಗರ, ಬಬಲೇಶ್ವರ, ದೊಡ್ಡ ಬಳ್ಳಾಪುರ ಗ್ರಾಮೀಣ, ಶಿವಮೊಗ್ಗದ ಹೊಸನಗರ, ಬೆಂಗಳೂರು ನಗರದ ಸೌಥ್ ಈಸ್ಟ್ ಸಿಇಎನ್, ಹೊರ್ತಿ, ಮುದ್ದೇಬಿಹಾಳ ಮತ್ತು ಕೊಪ್ಪಳ ಮಹಿಳಾ ಪೊಲೀಸ್ ಠಾಣೆಗಳಲ್ಲೂ ಒಟ್ಟು 12 ಪ್ರಕರಣಗಳು ದಾಖಲಾಗಿದ್ದವು.