ನವೆಂಬರ್ 1ರಿಂದ 3 ಬೈಂದೂರು ಉತ್ಸವ- 24ಸರ್ವಾಧ್ಯಕ್ಷೆಯಾಗಿ ಶಿವಮೊಗ್ಗದ ಡಾ.ಶುಭಾ ಮರವಂತೆ ಆಯ್ಕೆ

ನವೆಂಬರ್ 1ರಿಂದ 3 ಬೈಂದೂರು ಉತ್ಸವ- 24

ಸರ್ವಾಧ್ಯಕ್ಷೆಯಾಗಿ ಶಿವಮೊಗ್ಗದ ಡಾ.ಶುಭಾ ಮರವಂತೆ ಆಯ್ಕೆ

ಶಿವಮೊಗ್ಗ : ನವೆಂಬರ್ ೧, ೨, ೩ ರಂದು ಉಡುಪಿ ಜಿಲ್ಲೆಯ ಬೈಂದೂರಿನಲ್ಲಿ ನಡೆಯುವ ‘ಬೈಂದೂರು ಉತ್ಸವ 2024’ರ ಅಂಗವಾಗಿ ನಡೆಯುವ ಸಾಹಿತ್ಯ ಸಂಚಯ -ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಶಿವಮೊಗ್ಗದ ಖ್ಯಾತ ವಾಗ್ಮಿ, ಲೇಖಕಿ, ಕುವೆಂಪು ವಿಶ್ವವಿದ್ಯಾಲಯದ ರಾಷ್ಟ್ರೀಯ ಸೇವಾ ಯೋಜನೆಯ ಸಂಯೋಜನಾಧಿಕಾರಿ, ಪ್ರಾಧ್ಯಾಪಕಿ ಡಾ. ಶುಭಾ ಮರವಂತೆ ಇವರನ್ನು ಆಯ್ಕೆ ಮಾಡಲಾಗಿದೆ.
ಸಮೃದ್ಧ ಬೈಂದೂರು ಪರಿಕಲ್ಪನೆಯಡಿಯಲ್ಲಿ ರೂಪಿಸಲಾದ ಬೈಂದೂರು ಉತ್ಸವದಲ್ಲಿ ಕಲೆ ಸಾಹಿತ್ಯ ಸಂಸ್ಕೃತಿಗೆ ಸಂಬಂಧಿಸಿದ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಕುಣಿತ, ಮೆರವಣಿಗೆ, ಟ್ಯಾಬ್ಲೋ, ವಸ್ತು ಪ್ರದರ್ಶನ, ಯಕ್ಷಗಾನ, ವಿಚಾರಗೋಷ್ಠಿ, ಕವಿಗೋಷ್ಠಿ, ಆಹಾರ ಮೇಳ, ಕೃಷಿ ಮೇಳ ಮುಂತಾದ ಹಲವು ಕಾರ್ಯಕ್ರಮಗಳಿವೆ ಎಂದು ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ