ಕಂದಾಯ ಇಲಾಖಾ ನೌಕರರ ವಸತಿ ಸಹಕಾರ ಸಂಘದ ಅಧ್ಯಕ್ಷ- ಉಪಾಧ್ಯಕ್ಷ ಚುನಾವಣೆ;**ಲಾಟರಿಯಲ್ಲಿ ಅಧ್ಯಕ್ಷ ಸ್ಥಾನ ಗೆದ್ದ ಅ.ಮ.ಶಿವಮೂರ್ತಿ( ಹೊತ್ತಾರೆ ಶಿವು)*

*ಕಂದಾಯ ಇಲಾಖಾ ನೌಕರರ ವಸತಿ ಸಹಕಾರ ಸಂಘದ ಅಧ್ಯಕ್ಷ- ಉಪಾಧ್ಯಕ್ಷ ಚುನಾವಣೆ;*

*ಲಾಟರಿಯಲ್ಲಿ ಅಧ್ಯಕ್ಷ ಸ್ಥಾನ ಗೆದ್ದ ಅ.ಮ.ಶಿವಮೂರ್ತಿ( ಹೊತ್ತಾರೆ ಶಿವು)*

ಕಂದಾಯ ಇಲಾಖಾ ನೌಕರರ ವಸತಿ ಸಹಕಾರ ಸಂಘದ ಅಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಹೊತ್ತಾರೆ ಶಿವಮೂರ್ತಿ ಗೆದ್ದಿದ್ದಾರೆ.

ಒಟ್ಟು 13 ಜನ ನಿರ್ದೇಶಕರು ಅಧ್ಯಕ್ಷ- ಉಪಾಧ್ಯಕ್ಷರನ್ನು ಮತ ಚಲಾಯಿಸಿ ಚುನಾಯಿಸಬೇಕಿತ್ತು. ಅಧ್ಯಕ್ಷ ಸ್ಥಾನಕ್ಕೆ ಅ.ಮ.ಶಿವಮೂರ್ತಿ, ಟಿ.ಮಂಜಪ್ಪ, ಮಂಜುನಾಥ ಶರ್ಮ ಸ್ಪರ್ಧಿಸಿದ್ದರು.

ಅ.ಮ.ಶಿವಮೂರ್ತಿ ಮತ್ತು ಟಿ.ಮಂಜಪ್ಪರಿಗೆ ತಲಾ 5 ಮತಗಳು ಬಿದ್ದಿದ್ದರೆ, ಮಂಜುನಾಥ ಶರ್ಮರಿಗೆ 3 ಮತಗಳು ಸಿಕ್ಕಿದ್ದವು.

ಇಬ್ಬರು ಸ್ಪರ್ಧಾಳುಗಳು ತಲಾ 5 ಮತಗಳನ್ನು ಪಡೆದು ಸಮ ಮತ ಪಡೆದಿದ್ದರಿಂದ ಚುನಾವಣಾಧಿಕಾರಿಗಳು ಲಾಟರಿಯ ಮೊರೆ ಹೋಗಬೇಕಾಯ್ತು.
ಅಂತಿಮವಾಗಿ, ಲಾಟರಿಯ ಮೂಲಕ ಅ.ಮ.ಶಿವಮೂರ್ತಿ ಗೆಲುವು ಕಾಣುವಂತಾಯ್ತು.

ಉಪಾಧ್ಯಕ್ಷರಾಗಿ ಆರ್.ಹನುಮಂತಪ್ಪ ಚುನಾಯಿತರಾದರು.