ಸಫಾ ಬೈತುಲ್ ಮಾಲ್ ನಿಂದ 300ಕ್ಕೂ ಹೆಚ್ಚಿನ ಕುಟುಂಬಗಳಿಗೆ ರಮ್ ಝಾನ್ ಕಿಟ್ ವಿತರಣೆ

ಸಾಗರ : ಸಫಾ ಬೈತುಲ್ ಮಾಲ್ ಸಾಗರ ಶಾಖೆಯ ವತಿಯಿಂದ ಸುಮಾರು 300 ಕ್ಕೂ ಹೆಚ್ಚು ಕುಟುಂಬಗಳಿಗೆ 2000 ರೂ ಬೆಲೆಯುಳ್ಳ ದಿನಸಿ ವಸ್ತುಗಳನ್ನು ಹೊಂದಿರುವ ರಮಝಾನ್ ಕಿಟ್ ಗಳನ್ನು ಅರ್ಹ ಬಡ ಕುಟುಂಬಗಳಿಗೆ ಸೋಮವಾರ ವಿತರಿಸಲಾಯಿತು.

ಈ ಸಂಧರ್ಭದಲ್ಲಿ ಮಾತನಾಡಿದ ಸಂಸ್ಥೆಯ ಅಧ್ಯಕ್ಷ ಮೌಲಾನಾ ಕಲೀಮುಲ್ಲಾ ನಮ್ಮ ಸಂಸ್ಥೆಯ ವತಿಯಿಂದ ಕಳೆದ 10ವರ್ಷಗಳಿಂದ ರಂಜಾನ್ ಕಿಟ್ ವಿತರಿಸುತ್ತಾ ಬಂದಿದ್ದೇವೆ.

ಇದರೊಂದಿಗೆ ಬಡ ಹೆಣ್ಣುಮಕ್ಕಳ ಮದುವೆಗೆ ಆರ್ಥಿಕ ಸಹಾಯ,ಉನ್ನತ ಶಿಕ್ಷಣಕ್ಕೆ ಪ್ರೋತ್ಸಾಹ,ಮನೆ ನಿರ್ಮಾಣ,ಟೈಲರಿಂಗ್ ತರಬೇತಿ ಮತ್ತು ಹೊಲಿಗೆ ಯಂತ್ರಗಳನ್ನು ವಿತರಣೆ,ಬಡ ನಿರ್ಗತಿಕ ಕುಟುಂಬಗಳಿಗೆ ಮಾಸಿಕ  500ರೂ.ನಂತೆ 50 ಕುಟುಂಬಗಳಿಗೆ   ನೀಡುತ್ತಿದ್ದೇವೆ.

ಇನ್ನೂ ಹಲವಾರು ಸಾಮಾಜಿಕ ಕೆಲಸಗಳನ್ನು ಸಫಾ ಬೈತುಲ್ ಮಾಡುತ್ತಿದ್ದು,ಮುಂದಿನ ದಿನಗಳಲ್ಲಿ ಉಚಿತ ಕಂಪ್ಯೂಟರ್ ತರಬೇತಿ ಹಾಗೂ ವಿತರಣೆ ಮಾಡುವ ಉದ್ದೇಶ ಹೊಂದಲಾಗಿದೆ ಎಂದು ಹೇಳಿದರು.

ಸಂಸ್ಥೆಯ ಪ್ರತಿಯೊಂದು ಸಾಮಾಜಿಕ ಕಾರ್ಯಕ್ಕೆ ಊರಿನ ದಾನಿಗಳು ಸಹಕಾರ ನೀಡುತ್ತೀರುವುದು ನಮಗೆ ಇನ್ನಷ್ಟು ಉತ್ಸಾಹ ಬಂದಿದೆ ಎಂದರು.

ವೇದಿಕೆಯಲ್ಲಿ ಮೌಲಾನ ಅಜರ್,ಮೌಲಾನಾ ಅರ್ಷದ್,ಮೌಲಾನಾ ಹಾಫಿಜ್ ಶಫೀವುಲ್ಲಾ,ಪುರಸಭೆ ಮಾಜಿ ಉಪಾಧ್ಯಕ್ಷ ಮಕ್ಬೂಲ್ ಅಹಮದ್,ಕ್ರೆಸೆಂಟ್ ಸಂಸ್ಥೆಯ ಮಹಮ್ಮದ್ ಇಕ್ಬಾಲ್, ಮಜ್ಲಿಸೆ ಅಧ್ಯಕ್ಷ ಆರ್ ಎ ಕೆ ಫಯಾಜ್,ರಹೀಂ ಸಾಬ್,ಇರ್ಷಾದ್ ಅಲಿ ಖಾನ್,ಭಾಷಾ ಸಾಬ್,ಮಹಮ್ಮದ್ ಹನೀಫ್ ,ನದೀಂ ಅಹಮದ್ ಇನ್ನಿತರರು ಉಪಸ್ಥಿತರಿದ್ದರು.