ಫೆ.24 ಕ್ಕೆ ಪಂಚ ಗ್ಯಾರಂಟಿಗಳ ಸಮಾವೇಶ- ಹೆಚ್.ಸಿ.ಯೋಗೇಶ್ ಹೇಳಿದ್ದೇನು?* *ಡಿಕೆ ಸಾಹೇಬರಿಗೆ ಪಂಚ ಗ್ಯಾರಂಟಿಗಳ ವಿಶೇಷ ಹಾರದ ಸನ್ಮಾನ

ಮಾಜಿ ಕಾರ್ಪೊರೇಟರ್, ಕಾಂಗ್ರೆಸ್ ಮುಖಂಡರಾದ ಹೆಚ್.ಸಿ.ಯೋಗೇಶ್ ಪತ್ರಿಕಾಗೋಷ್ಠಿ

*ಫೆ.24 ಕ್ಕೆ ಪಂಚ ಗ್ಯಾರಂಟಿಗಳ ಸಮಾವೇಶ- ಹೆಚ್.ಸಿ.ಯೋಗೇಶ್ ಹೇಳಿದ್ದೇನು?*

*ಡಿಕೆ ಸಾಹೇಬರಿಗೆ ಪಂಚ ಗ್ಯಾರಂಟಿಗಳ ವಿಶೇಷ ಹಾರದ ಸನ್ಮಾನ*

ಫೆ.24 ಕ್ಕೆ ಅಲ್ಲಮ ಪ್ರಭು ಮೈದಾನದಲ್ಲಿ ನಡೆಯಲಿರುವ ಜಿಲ್ಲಾಮಟ್ಟದ ಬೃಹತ್ ಪಂಚ ಗ್ಯಾರಂಟಿಗಳ ಸಮಾವೇಶಕ್ಕೆ ಶಿವಮೊಗ್ಗ ನಗರದಿಂದ ಸುಮಾರು ಹತ್ತು ಸಾವಿರ ಜನ ಫಲಾನುಭವಿಗಳು ಬರಲಿದ್ದಾರೆ.ಅವರಿಗೆಲ್ಲ ವೈಯಕ್ತಿಕವಾಗಿ ಆಹ್ವಾನಿಸಲಾಗಿದೆ.

15 ಸಾವಿರ ಆಹ್ವಾನ ಪತ್ರಿಕೆಗಳನ್ನು ಶಿವಮೊಗ್ಗದಲ್ಲಿ ಈಗಾಗಲೇ ವಾರ್ಡ್ ಅಧ್ಯಕ್ಷರು, ಪ್ರತಿನಿಧಿಗಳ ಮೂಲಕ ಹಂಚಲಾಗಿದೆ. ಕಾಂಗ್ರೆಸ್ ಪಕ್ಷದ ಈ ಪಂಚ ಗ್ಯಾರಂಟಿಗಳು ಜನರಲ್ಲಿ ಹಬ್ಬ ಮೂಡಿಸಿವೆ. ಈ ಸಮಾವೇಶ ಕೂಡ ಹಬ್ಬದ ರೀತಿಯಲ್ಲಿ ನಡೆಯಲಿದೆ.

ಈಗಾಗಲೇ ಶಿವಮೊಗ್ಗದಲ್ಲಿ 62 ಸಾವಿರ ಗೃಹಲಕ್ಷ್ಮೀ ಫಲಾನುಭವಿಗಳು, 52 ಸಾವಿರ ಗೃಹಜ್ಯೋತಿ, 61,14000 ಶಕ್ತಿ ಫಲಾನುಭವಿಗಳಿದ್ದರೆ 51,917 ಯುವನಿಧಿ ಫಲಾನುಭವಿಗಳಿದ್ದಾರೆ. ಇದು ಸರ್ಕಾರದ ಹೆಮ್ಮೆ

ಪಂಚ ಗ್ಯಾರಂಟಿಗಳು ಆರಂಭವಾದಾಗ ಪ್ರತಿಪಕ್ಷಗಳು ಟೀಕಿಸಿದ್ದವು. ಈಗ ಈ ಪಂಚ ಗ್ಯಾರಂಟಿಗಳು ಸಫಲವಾಗಿರುವುದು ಅವರ ಗಮನಕ್ಕೂ ಬರುತ್ತಿದೆ.ದೊಡ್ಡ ಫಲಾನುಭವಿಗಳ ಬಳಗವೇ ನಿರ್ಮಾಣವಾಗಿದೆ. ಫಲಾನುಭವಿಗಳು, ಇದೆಲ್ಲ ನಮ್ಮ ಹಕ್ಕು ಎಂಬಂತೆ ಭಾಗವಹಿಸಲಿದ್ದಾರೆ.

ಈವರೆಗೂ ವಿವಿಧ ಕಾರಣಗಳಿಂದ ಫಲಾನುಭವಿಗಳಾಗಲು ಸಾಧ್ಯವಿಲ್ಲದವರಿಗೆ ಅನುಕೂಲ ಮಾಡಿಕೊಡಲೆಂದು ಸಮಾವೇಶದ ಜಾಗದಲ್ಲಿ ವ್ಯವಸ್ಥೆ ಮಾಡಿಕೊಡಲಾಗಿದೆ.

ಈ ಸಮಾವೇಶದ ಉದ್ಘಾಟನೆಗೆ ಕೆಪಿಸಿಸಿ ರಾಜ್ಯಾಧ್ಯಕ್ಷರೂ ಉಪ ಮುಖ್ಯಮಂತ್ರಿಗಳೂ ಆಗಿರುವ ಡಿ.ಕೆ.ಶಿವಕುಮಾರ್ ಆಗಮಿಸಲಿದ್ದು, ಈ ಸಂದರ್ಭದಲ್ಲಿ ಅವರನ್ನು *ಪಂಚ ಗ್ಯಾರಂಟಿಗಳ ಹಾರ* ಹಾಕಿ ವಿಶೇಷವಾಗಿ ಸ್ವಾಗತಿಸಲಾಗುವುದು.

*ಸುದ್ದಿಗೋಷ್ಠಿಯಲ್ಲಿದ್ದವರು;*

ಎಸ್. ಪಿ. ದಿನೇಶ್, ಶಿವಕುಮಾರ್, ವಿಶ್ವನಾಥ ಕಾಶಿ, ಅಫ್ತಾಬ್ ಪರ್ವೀಜ್, ಯಮುನಾ ರಂಗೇಗೌಡ, ಮಂಜುಳಾ ಶಿವಣ್ಣ, ರಂಗೇಗೌಡ, ಚಿನ್ನಪ್ಪ, ಸುವರ್ಣ ನಾಗರಾಜ್, ರಂಗನಾಥ್, ರೇಷ್ಮಾ ಮತ್ತಿತರರು.